మన శరీరం కంప్యూటర్ ని మించిన మహాయంత్రం.మనమే అనవసరంగా మితిమీరిన పనులు వేళాపాళా లేకుండా చేస్తూ శరీరాన్ని అతిగా కష్టపెడుతూ ఉంటాము.అయినా మన శరీరం అప్రమత్తంగా ఉంటూ మనకు హాని చేసే ప్రతిదాన్ని మన మనసు,మెదడు తిరస్కరిస్తూ మనల్ని హెచ్చరిస్తూ ఉంటుంది.మనకు నిద్ర చాలకపోతే నిద్ర వస్తున్నట్లుగా ఉండడం,అలసిపోతే విశ్రాంతి తీసుకోవాలని అనిపించడం వంటివి.అయినా మనం ఆ హెచ్చరికలు పట్టించుకోక తిరుగుతూ ఇబ్బందుల్లో పడుతూ ఉంటాము.అందుకే ఒత్తిడి ఎక్కువై దిగులు,అందోళన పడుతూ లేనిపోని కష్టాలు కొనితెచ్చుకుంటూ ఉంటాము.సానుకూల ధృక్పదంతో చేయగలిగినంత పనిచేస్తూ వుంటే ఒత్తిడి దరిచేరకుండా ఉండటమే కాక ఆత్మస్థైర్యం పెరిగి అభివృద్ది దానంతట అదే వస్తుంది.సరిపడా పోషకాహారం తీసుకుంటూ హాయిగా ఏ ఆలోచనలు చేయకుండా ప్రశాంతంగా ఆదమరిచి నిద్రపోతుంటే అప్పుడు శరీరం అనే మహాయంత్రం మన మాట విని శారీరకంగా,మానసికంగా ఆరోగ్యంగా ఉంటాము.
No comments:
Post a Comment